Infoskjerm
DEN NORSKE KYRKJA
Bjerkreim kyrkjelyd
Andaktar på sjukeheimen
Andaktar på sjukeheimen
I Bjerkreim er det andaktar på sjukeheimen kvar torsdag.

Det er nesten helligbrøde om andakten fell bort. Og det gjer den skjelden. Einaste unntak er om kyrkjeåret er slik at det er gudsteneste på torsdagen i beste andaktstid - det kan gjelde både jul, skjærtorsdag og 17. mai - mens kristi himmelfartsdag er slik at då er soknets gudsteneste på heimen.

Det er soknerpresten i Bjerkreim man gjerne vil ha til stades for å halde andakt. Det har nokre gonger bydd på utfordringar. Det gjeld i hovudsak ferieavvikling, sjukedagar og dei gongene soknepresten blir innkalla til møte i beste andaktstid (kurs, konferansar, møtar med prestar, prost eller biskop o.l). Ja. det er ein utfordring, seier soknepresten, men dei fleste gongene lar dette seg løyse ved at me finn vikar. Og vikarar har det vore. Anten ordnar prosten med vikar, eller så aktiviserast leke predikantar i Bjerkreim. Men då er det viktig å få lagt eit løp så tidlig som mogleg, konkluderar soknepresten.

Om lag annan kvar veke er også Magnar Edland med på andaktane og bidrar med ekstra song.

God oppslutnad

Oppsluttnaden er god. Og det er tydlig at dette er viktig for målgruppa. Dei høyrar godt etter, og er observante tilhøyrarar.

Det er i hovudsak pasientar på heimen som kjem på andaktane. Men det kjem også ein del som bur i omsorgsboligane omkring sjukeheimen. Nokre kjem også frå heimane deira rundt omkring i bygda.

Samarbeid med sjukeheimen

Andaktane er eit samarbeid mellom kyrkja og sjukeheimen. Andaktane haldast for tida i stua i første etasje. Andaktene er eit resultat av erkjenninga om at dette er eit sterkt ynskje og behov hos mange av dei som bur på heimen. Tidspunktet for andakten kl 10:30 er sett for at det skal passe med gjeremålane elles på heiemen. Kvar 3dje torsdag i månaden er det også nattverd på desse andaktane. Nattverdsutstyr, talarstol og mikrofon finnest på sjukeheimen.