Kyrkjene i Bjerkreim
Det er no to kyrkjer i Bjerkreim. Det er Bjerkreim kyrkje og Ivesdal kyrkje. I tillegg er Vikeså misjonshus vigsla til gudstenesteleg bruk.
I tillegg er det tre gravplassar, ein på Bjerkreim og ein på Ivesdal og ein i Ørsdalen.
Bjerkreim kyrkje
Bjerkreim kyrkje er hovedkyrkja i soknet. Den blei bygd i 1835. Det er her mesteparten av gudstenestene i soknet er.
Odlandsvegen 10
Kart
Ivesdal kyrkje
Ivesdal kyrkje er frå 1876 og ligg sjarmerande i terrenget ved vatnet Hofreista 7 km nordaust for Vikeså. Frå 01.01.21 blei Ivesdal kyrkje endra frå kapell til kyrkje.
Skjævelandsvegen 795
Kart
Ørsdalen kapell
Ørsdalen brant ned i mars 2020. Bygget har vore skule, grendehus og kapell i frå midten av 1970-talet.
Ørsdalen 708
Kart
Nyhetslenke om brannen
Eldre kyrkjer i Bjerkreim
Det har vore kyrkjer i Bjerkreim frå eldgamle tider. Dersom du er interessert i kyrkjehistoria til Bjerkreim vil me henvise deg til Paul Tengesdal sitt bokverk «Bjerkreim før i tida» band I og II.
Vikeså Misjonshus
Vikeså Misjonshus er eit av dei to store bedehusa i kommunen. Misjonshuset er vigsla til kyrkjeleg bruk. Det var nokre år faste gudstenester der som vart kalla «G2-gudstenester». Fra 2020 startar me med nye gudstenester på Misjonshuset i samarbeid med sundagsskulen på Vikeså. Kyrkjekontoret er også i den eine enden av dette bygget.
Andre bedehus i bygda
Kyrkja samarbeider med frivillige i bygda. Ikkje minst med dei to store bedehusa. Bjerkreim bedehus og Vikeså Misjonshus er om lag like store og famnar omtrent like mange mennesker. Begge bedehusa har eit stort arbeid som mellom anna famnar sundagsskulane. Bygga er likevel veldig forskjellige og arbeidet er organisert på noko forskjellig måte. Det er også andre mindre bedehus rundt om i bygda. Nokre av dei gamle bedehusa er gjort om til grendehus.
Bjerkreim kyrkjegard
Bjerkreim kyrkjegard er hovudgravplass i soknet.
Lenke til kyrkjegardsvedtektene
Ivesdal kyrkjegard
Ivesdal kyrkjegard er den nest største gravplassen i soknet.
Ørsdalen gravplass
Denne gravplassen er i Ørsdalen. Den inkluderar også to gamle gravhaugar frå vikingetiden.
