Ørsdalen kapell og grendehus er borte

Søndag 1. mars 2020 brant Ørsdalen grendehus ned til grunnen. Sjølvsagt er dette eit hardt slag for alle innbyggjara i Ørsdalen .. pluss alle med tilknytting til bygda .. Bjerkreim sokn deler bygda si sorg og sakn og fortviling over at bygget nå ikkje er der meir.

Søndagen føre (24. februar 2020) var det også brann i bygget. Den gangen ble brannen slukket før den blei for omfattande. Søndagen etterpå var det altså ny brann i bygget. Denne gangen brant bygget ned. Politiet gjer mandag kriminaltekniske undersøkinger for å finne årsaka til brannane. Dei ynskjer også å komme i kontakt med vitner som kan ha sett noe av interesse i forbindelse med brannane.

Grendahuset er kommunalt, men det har vore eit eige driftstyre for bygget. Deler av grendahuset var avsatt og innredet som kapell.

Ørsdalen kapell

I altarpartiet har det vore altar med eit enkelt trekors, altarring, døypefont og nattverdsutstyr. Eit piano har fungert som standard kyrkjeinstrument.

Når det har vore gudstenester eller andre kyrkjelege handlingar i bygget, har gymsalen fungert som kyrkjeskip. Ei faldedør inn til altarpartiet har vorte opna når bygget har vore nytta som kyrkje. Elles har faldedøra vore stengt og såleis skilt og beskytta sjølve altarpartiet og det kyrkjelege inventaret, slik at resten av rommet kan ha blitt nytta som gymsal ..eller kva som helst.

Dei siste åra har me lagt særleg vekt på to gudstenester i dette kapellet. Den eine er gudstenesten i romjula som har vore kombinert med juletrefest, og den andre er ein gudsteneste i starten av mai i samarbeid med sundagsskulane i Bjerkreim. Det har vore fulle hus i slike høve.

Kva som vil skje vidare i forhold til planlagte og kommande gudstenester og kyrkjelege handlingar må Bjerkreim sokneråd finne ut av. Sjølv om det er naturleg at gravferdar til Ørsdalen kyrkjegard frå nå av blir forretta i frå Ivesdal kapell, er det greitt med ein formell avklaring. Og gudstenesta som er sett opp 3. mai i år, må ein også finne eit alternativ for. Soknerådet i Bjerkreim har møte på torsdag denne veka (5. mars kl 19.30). Det er naturleg at slike sider av saka blir drøfta der.

Nokre eksterne referansar:
Stavanger Aftenblad om brannene i grendahuset
NRK Rogaland om brannene i grendahuset
Dalane Tidende om brannen sundag 24. februar
Dalane Tidende om brannen sundag 1. mars

Publisert 2. mars 2020 kl: 10:07, oppdatert 2. mars 2020 kl: 10:07, av